بالهنا والشفا: حلويات Angelina التي لا يعلى عليها
زيارتي النهارده لمطعم الحلويات الفرنسي الفخم Angelina، اللي شدني ليه ديكوره وشكل حلوياته، لما دخلت قررت إني هقعد وهجرب، واضح أن المنيو بتقدم حاجات مش موجودة، في حتة تانية وحاجات أول مرة أسمع عنها، وده أكتر حاجة تشدني لمكان التجربة الجديدة والمشوقة.
طلبت مون بلان، دي الحلوى المميزة عند المطعم ده، وبتتقدم مقلوبة رأساً على عقب، عبارة عن مارينج وكريم شانتيه وكريمة الكستناء.
شارك
العجينة اللي برا معجون أبو فروة ملمسه يشبه التوفي الخفيف مش التقيل، وجواها كريم شانتيه، وجوا خالص المارون جلاسيه وتحت اللي هو بيتقلب لفوق المارينج اللي هو بياض بيض وسكر.
الكريم شانتيه جوا ساقع وفريش جداً والكيك في العموم كانت تجنن.
حلوى فخمة جداً ومحدش بيعملها غيرهم هنا.
ألذ حاجة في الحلوى دي إن المارون جلاسيه اللي في النص طعمه مس مسكر عشان يعادل السكر بتاع المارينج والكريمة بتلطف الموضوع.
الحلوى نفسها شكلها أنيق جداً.
مشروب شكولاتة كلاسيكي على الطريقة الأفريقية.
الشكولاتة مُرة جداً عشان هي شكولاتة غامقة، هي كريمي جداً وسميكة وتقيلة جداً.
يتشرب منها كام بق، ميتشربش منها كل الكمية، اللي قدموهالي دي كتير أوي.
هي أقرب إلى شوربة تقيلة مش مجرد مشروب سميكة جداً، بس شكلها مغري بطريقة غير مسبوقة.
جايبين معاها كريمة خلصتها وبرضه مخففتش، الشكولاتة طعمها قوي بطريقة مرعبة، أكنك بتاكل حبوب قهوة مخلوطة بشكولاتة غامقة.
الناس اللي بيحبوا الشكولاتة الغامقة هيعشقوا المشروب ده، مشروب ببجرح الظور من قوته، رغم أن كريمي وناعم جداً مش ملمس الشكولاتة خشن.
شارك
لسانك بيتشبع بطعم الشكولاتة تحسها بتدخل بين Taste puds بتاعت لسانك وبتغمرها وبتقولها أنا أهو طعمي واضح وصريح وغني جداً.
المشروب بيدفي جداً في الشتا، أنا أعتقد بيتباع كتير هنا في الشتا لما بيبقى في عزه.
اتبسطت جداً بالتجربة كلها والشياكة بتاعت المكان ونوعية الأكل وطريقة التقديم كلها كلاسيكية وقديمة وراقية.
شارك
الأسعار بالدرهم الإماراتي
مون بلان 45.
مشروب الشكولاتة 39.
عنوان المطعم: Angelina, dubai mall, U.A.E
.png)
